Góður sunnudagur

Mamma og pabbi komin í öllu sínu veldi og auðvitað með fulla tösku af hinu og þessu. Þau komu með lambalæri, rúgbrauð og plokkfisk og auðvitað fullt af lakkrís sem ég er búin með :-(
Krakkarnir fá alltaf einhvern pakka með dóti og nammi í og eru mjög ánægð og bíða alltaf spennt eftir að fá pakka þegar þau koma.

Við fórum í bíltúr í gær á fallegum og sólríkum sunnudegi en það var reyndar heilmikið rok.
Við keyrðum til Viken, Höganäs og Mölle sem eru bæjir norðan við Lund ca. klukkutíma héðan.
Þetta eru nokkuð gamlir og gamaldagsbæjir við ströndina og þar eru bátar og dýr hús við strandlengjuna. Mörg húsin voru mjög gömul og lítil og allar götur þröngar, það var eins og við værum komin aftur í tímann og allt var mjög sænskt þarna. Gaman að skoða. Við röltum um gamlan kirkjugarð og það var ótrúlegt hvað allt var snyrtilegt og fallegt þar.

Einnig fórum við að skoða vita og þegar við vorum komin svona langt upp á bergið þar sem vitinn stóð þá var þvílíkt rok en svakalega fallegt útsýni enda veðrið fallegt.

Svo fórum við að skoða gamla kornmyllu sem var í fullum gangi. Þar klifruðum við upp á efstu hæð þar sem var verið að mala kornið og mylluspaðarnir snérust. Neðst var verið að selja kornið sem er verkað þarna í myllunni.

Við gengum mikið og skoðuðum okkur um, krakkarnir voru bara ótrúlega dugleg að ganga, þetta var mjög skemmtilegur dagur.

Veðurspáin fyrir morgundaginn er alveg frábær þannig að ég, mamma og pabbi erum að hugsa um að skreppa aðeins á ströndina meðan börnin eru í skólanum. Helgi fer eldsnemma í fyrramálið til Englands að vinna og kemur á föstudagskvöldið til baka. En um að gera að nota góða daginn fyrir strandarferð, held að þetta sé eini svona rosalega góði dagurinn sem er spáð á næstunni.....vonandi stenst spáin!

Gestir

Mamma og pabbi eru á leiðinni.....koma í kvöld....jíbbííí.....ég hlakka svo til....og elskan mín hann Helgi kemur líka í kvöld....jíbbííí....ég hlakka svo til.

Sól og blíða

Veðrið síðustu daga er búið að vera mjög fínt. Við Helgi tókum bílinn í þrif og bón og vorum mjög ánægð með árangurinn, núna þarf bara að þrífa rúðurnar að innan.

Krakkarnir byrjuðu á sundnámskeiði í gær og það var bara mjög gaman hjá þeim. Eftir sund fórum við í heimsókn til Siggu og fjölskyldu. Þau eru með 12 metra sundlaug í garðinum og auðvitað skelltu krakkarnir sér í laugina með Aroni Bjarka 4 ára og það var leikið og hamast. Okkur var svo boðið í dýrindis kvöldmat og fengum eplaköku og ís í eftirrétt. Við borðuðum úti á palli í góða veðrinu og útsýnið úr húsinum hjá Siggu og Sigga er alveg meiriháttar. Húsið stendur við ströndina og þar sér maður út á Eyrarsundbrúnna og yfir til Kaupmannahafnar. Þetta var góður dagur í góðum félagsskap!

Arnar Ingi og Bernhard að gæða sér á pizzum. Bernhard kláraði alla pizzuna sína, alveg ótrúlegt að hann gæti það miðað við stærðina á pizzunni.

Fórum á hverfispizza staðinn, hægt að fá pizzur, kebab, hamborgara og þess háttar. Svo komu alveg risastórir skammar og allt bara mjög gott.

Slakað á úti í garði með glas af hvítvíni. Frábært veður, sól og logn.

Skóli

Nú eru börnin byrjuð í skólanum og eru mjög ánægð með það. Rakel svo stolt að vera í eldri hópnum núna og Arnar Ingi er í elsta árganginum í skólanum og er alveg rosalega ánægður með það. Það er líka loksins eitthvað að fara að gerast í námsefninu hjá honum. Hann er t.d að byrja í ensku, fer í handavinnu/smíði/heimilisfræði. Hingað til er bara búið að vera smávegis að lesa, skrifa og reikna létt. Og reyndar leikfimi og söngur en okkur hefur ekki fundist vera neitt sem þau hafa verið að læra. Aftur á móti er gert mikið með útiveru og umhverfið og svoleiðis þætti sem við erum mjög ánægð með.

Svo er ég byrjuð í sænskunni í Komvux. Ég fer sem sagt þrjá morgna í viku og svo er svolítið um lestur og önnur verkefni í heimalærdómi. Mér líst bara alveg ágætlega á þetta. Það er reyndar ein íslensk stelpa í bekknum mínum og það er mjög fínt en kannski hefði auðvitað verið betra að vera eini íslendingurinn. Annars eru þetta flest fólk frá Íran, Kína, Rúmeníu, Póllandi og þess háttar löndum, við íslensku stelpurnar eru einu sem eru ljósar yfirlitum, held ég bara ;-)

Helgi kemur heim í kvöld og ég hlakka til að hitta elskuna mína. Mamma og pabbi koma svo á fimmtudaginn í næstu viku og Helgi ætlar að koma heim það kvöld líka, bara fjórir vinnudagar, jibbíí! Og svo var hann að fá að vita að mánudagurinn 31.ágúst væri almennur frídagur í Englandi þannig að hann fer svo ekki aftur í vinnu fyrr en á þriðjudeginum, aftur bara fjórir vinnudagar þ.e í Englandi.

Góða helgi!

Þá byrjar rútínan aftur.

Skólinn hjá krökkunum byrjar aftur á morgun og öll rútína fer að komast í gang.
Skátarnir byrja svo í næstu viku hjá Arnari Inga og einnig sundnámskeiðið hjá báðum krökkunum.

Mamma og pabbi koma svo í heimsókn til okkar í lok næstu viku, 27.ágúst og ætla að stoppa í 2 1/2 viku. Það verður gaman því að Helgi vinnur alltaf í Swindon í Englandi alla virka daga þannig að ég fæ einhvern félagsskap á meðan. Það er ótrúlegt hvað helgarnar eru fljótar að líða því Helgi kemur heim seint á föstudagskvöldum og fer svo fyrir allar aldir á mánudagsmorgnum að vinna. En þetta er sem betur fer tímabundið og ég fæ líklega að hafa hann hjá mér aftur í desember.

Svo er ég að fara að byrja í Komvux að læra smá meiri sænsku. Þetta er sænska fyrir útlendinga og ég á að byrja á miðvikudaginn og þetta er þrisvar í viku. Er reyndar ekki alveg að skilja bréfið sem ég fékk í dag vegna skólans því að það er eins og þetta námskeið verði ekki kennt á daginn heldur bara í fjarnámi. Ég hef nú reyndar ekki mikið við fjarnám að gera því ég skil sænskuna vel og les skáldsögur án vandræða og kann að skrifa sænskuna ágætlega. Það sem ég þarfnast er að æfa mig í samræðum, tala og hitta fólk. En þetta kemur allt saman í ljós þegar ég mæti á miðvikudaginn.

Ég er núna að reyna að koma mér í gang í líkamsræktinni aftur, það hefur nú ekki farið mikið fyrir henni í sumar og þvert á móti hef ég örugglega sett heimsmet í áti. Og ég finn líka fyrir því heimsmeti, þrengri föt og bólgnari líkami, alltaf þrútin og þreytt. En vonandi lagast mataræðið með þegar það kemst á rútína í ræktinni.

Á leið á til Hultsfred og svo í Astrid Lindgren garðinn í Vimmerby.

Úti að borða í Hultsfred.

Bókasafnið í Hultsfred.


Í göngutúr í Hultsfred.

Klifra í tréinu hjá Línu.



Sjóræningjaeyja.

Sjónarhóll, húsið hennar Línu Langsokks.


Inni í Sjónarhóli.

Hesturinn hennar Línu.

Nestisstund.

Maddit.

Bróðir minn Ljónshjarta.


Vondi karlinn í Bróðir minn Ljónshjarta.

Emil í Kattholti og Arnar Ingi.

Pabbi og mamma Emils.


Ída að róla.

Göt í eyrun

Þá kom loksins að því að litla Rakel okkar fékk göt í eyrun. Hún er búin að biðja um göt í eyrun í allt sumar og í dag var stóri dagurinn. Hún stóð sig eins og hetja, fannst þetta vont en var alveg kyrr og góð. Núna er hún bara stolt yfir að vera með göt í eyrunum.

Tosselilla

Fórum í Tosselilla einn daginn með Katrínu og Heklu Maríu og þar var tívolí, leiktæki og sundlaug.


Úti að sigla á hjólabát.

Í aparólu.

Rakel komin yfir eftir sveiflu í aparólu.

Vatnagarðurinn í Tosselilla.

Arnar Ingi búinn að renna eina bunu.

Rakel að kafa.

Smá nestisstund eftir hamaganginn í sundi.