Það styttist.....

.... í að Anna María komi í heimsókn, bara 2 dagar! Og Helgi kemur líka heim sama kvöld....það verður partý!!

Það er búið að vera fjör hérna í dag. Vinur hans Arnars Inga kom með okkur heim úr skólanum og svo var hamast og leikið, hann borðaði með okkur og svo fóru þau öll á skátafund núna.

Á mánudaginn var Iceland Express með tilboð. Ég keypti ferð til Íslands 28.nóv. til 7. des. Lálandið á að vera tilbúið 1.desember og þá ætla ég að vera á fullu að þrífa og ganga frá og koma húsgögnunum inn í húsið og gera allt tilbúið svo við fjölskyldan getum komið í heimsókn milli jóla og nýárs þ.e koma til Íslands þá og fara aftur til Sverige eftir áramótin. Og það skemmtilega við að þetta tilboð kom er að mamma og pabbi ætla að koma aftur í heimsókn í nóvember. Þau koma 17.nóvember og svo förum við saman til Íslands þann 28.nóv.

Svo er ég að koma til Íslands eftir 10 daga, kem laugardaginn 3.okt til 10.okt. En það verður heilmikið sem ég þarf að gera og redda í sambandi við húsið. Verð líklega í erindum mest allan tímann, en til þess er þessi ferð nú farin.

Kornmylla.

Kíktum inn í mylluna þar sem verið var að mala korn og selja.

Mölle.

Arnar.

Veitingastaður við vitann.

Viti í Mölle.

Höfnin í Viken.

Labbað meðfram ströndinni í Viken.

Kirkjan í Viken.

Þessi góður! Engan fjölpóst/auglýsingar en gjarnan IKEA bæklinginn!

Rölt um í Viken.

Rakel missti enn eina tönnina í ágúst.

Mamma og pabbi að bíða eftir hádegismatnum í Viken.

Fyrir utan veitingastaðinn.

Afi og amma ásamt krökkunum.

Ein þessa vikuna

Það var nú heldur tómlegt á mánudaginn, Helgi fór að vinna í Englandi og mamma og pabbi fóru til Íslands. Það hefði nú verið skemmtilegra að þau færu ekki öll sama dag.

Fór í próf á mánudaginn og gekk bara allt í lagi held ég miðað við það að ég lærði nú ekki mikið undir prófið, var að halda uppá afmæli Rakelar og svo vildi ég eyða sem mestum tíma með fjölskyldunni minni, fyrst þau voru líka að fara á mánudeginum. En það koma vonandi niðurstöður úr prófinu á mánudaginn.

Það er reyndar heilmikill heimalærdómur í náminu og ég er að reyna að lesa skáldsögu sem er 350 bls. og við eigum að skila ritgerð um eftir 3 vikur. Auk þess erum við með sjálfa skólabókina, stuttar ritgerðir og önnur verkefni.Veit ekki hvað ég verð dugleg að læra því Anna María kemur í heimsókn eftir viku og stoppar í tæpa viku...jibbíí!! Og svo er ég á leiðinni til Íslands eftir 2 vikur og verð í eina viku. Ætli ég verði ekki bara að læra almennilega um miðjan október þegar ég kem til baka frá Íslandi! En auðvitað reyni ég að halda eitthvað í við námsefnið þó svo ég sé með gesti og tek svo sjálf vikufrí.

Það er algjör afmælistörn allar helgar núna, Rakel fer á laugardaginn, Arnar á sunnudaginn. Næstu helgi fer svo Arnar í afmæli bæði á laugardaginn og sunnudaginn. Sem sagt nóg að gera.

Á morgun er menninganótt í Lundi og nóg að gera. Píanó kennarinn hans Arnars Inga verður með smá píanóhorn í tónlistarhúsi og Arnar ætlar að fara og spila smávegis, það verður spennandi að sjá.

Afmælisdagur Rakelar.

Rakel var vakin með söng og pökkum.

Búin að opna einn!


Búin að opna fleiri.

Og svo búin að opna ennþá fleiri pakka!

Náttfatapartý Rakelar. Fyrst var borðað lasagne og hvítlauksbrauð.

Verið að opna pakkana.


Svo var það muffins, sykurpúðar og íspinnar.

Túristar í Malmö.

Pabbi að vinna í garðinum okkar.

Tilbúið!! Allur þessi reitur var illgresi, hátt gras og svo brómberjarunnarnir einhvers staðar inn á milli.

Stella systir hans pabba og dætur hennar komu í heimsókn til okkar í Lund.

Laila, Maja og mamma.

Pabbi, Stella, Asta, Laila, Maja og mamma.

Skruppum á ströndina í hita og roki.

Pabbi að labba til Danmerkur, Turning Torso hæsta bygging Skandinavíu í vinstra horninu.

Rakel 7 ára

Þá er hún Rakel okkar 7 ára í dag....litla barnið okkar!
Við héldum uppá afmælið hennar í gær með náttfatapartý og fjöri. Hafði lasagne og hvítlauksbrauð í matinn fyrir krakkaskarann. Svo var farið í leiki og eftir það fengu allir muffins, sykurpúða og ís. Krakkarnir voru mjög ánægð með kvöldið.

Í dag fór svo Rakel í afmæli til vinkonu sinnar sem er 6 ára og á afmæli sama dag og Rakel....sem sagt í dag!

Við elduðum svo lambalæri í kvöld með tilheyrandi meðlæti og ís í eftirrétt með íslenskri "Ísing" íssósu. Svakalega var þetta allt saman gott! Erum öll södd og sæl núna!

Garðurinn okkar

Hann pabbi er aldeilis búinn að taka til hendinni í garðinum hjá okkur. Það er búið að klippa tréin og kantskera, setja illgresisdúk, mold og stækka í kringum epla og kirsuberjatréin okkar.

Svo vorum við með einn illgresisreit sem þar sem brómberjarunnar eru og einhverjir steinar og algjör órækt því að það er ekki hægt að slá grasið þar í kring. Við erum búin að tala um að breyta og gera eitthvað við þetta svæði frá því við fluttum hingað...en framtakssemin ekki meiri en það að við gerðum aldrei neitt.
En svo tók pabbi sig til og klippti og klippti allt grasið og illgresið burtu og þá loksins sá maður aðeins hvernig svæðið leit út. Svo fórum við og versluðum aðeins inn og pabbi hamaðist við að undirbúa svæðið undir það sem við ákváðum að gera. Og viti menn....eftir margra klukkutíma vinnu í tvo daga þá erum við með þetta fína og snyrtilega svæði....ekkert illgresi og brómberjarunnarnir njóta sín vel. Settum jarðvegs/illgresisdúk undir allt saman og fullt af skrautsteinum yfir og settum tvö sólarselluljós og þetta kemur svo vel út....við erum alveg svakalega ánægð og þakklát fyrir þetta allt saman.

Malmö

Skruppum til Malmö á þriðjudaginn og röltum um bæinn. Veðrið var alveg rosalega fínt, sól og hiti.
Smiðurinn "minn" á Íslandi er í Lundi (systir hans býr hérna) og hann kom í kaffi og við ræddum um það hvernig málin ganga í Lálandi. Það er bara allt í góðum málum en helv... í er þetta allt saman dýrt.

Matarboð, gestir og afmælisgjafakaup.

Það var nóg að gera um helgina hjá okkur. Fyrst var það matarboð í matarklúbbnum og það var rosalega skemmtilegt. Við höfum ekki hist öll frá því í maí því að sumarfríin hjá okkur hafa ekki passað saman og alltaf fullt að gera með gestum og að þvælast í ferðalögum. Svo erum við svo heppin að mamma og pabbi eru hjá okkur og þau eru auðvitað notuð í það að passa :)

Svo á sunnudeginum komu Stella systir hans pabba og þrjár dætur hennar í heimsókn til okkar. Þannig að það voru bökuð kaka, heitur brauðréttur, túnfiskssalat, kex, ostar og vínber og svo auðvitað íslenskt sælgæti. Þær búa allar í Svíþjóð, norðan við okkur í ca. tveggja tíma fjarlægð. Þær voru komnar um hádegi og eyddu öllum sunnudeginum með okkur, alltaf svo gaman að hitta þær.

Svo var skóli hjá mér í morgun, ræktin á eftir og svo læra heima. Fór svo með krakkana á sundnámskeið og hitti þar eina stelpu úr Árbænum sem býr bara rétt hjá mér og hún er búin að búa hérna í eitt ár, það er ótrúlegt hvað heimurinn er lítill því að þessi stelpa bjó líka í Kaupmannahöfn þegar Helgi var að læra þar og þekkir hann líka!

Við bjuggum til afmælisboðskort í afmæli Rakelar í gær og hún hjólaði svo út um allt með boðskortin í dag, rosalega spennt að halda náttfatapartý á föstudagskvöldið.

Mamma og pabbi fóru aðeins í bæjarrölt í dag og fóru svo aðeins að vinna í garðinum hjá mér að klippa öll tréin til og það er aldeilis munur að sjá þau, hafa vaxið mikið í sumar og sprotarnir stóðu í allar áttir.

Við skruppum svo öll í Nova Lund verslunarmiðstöðina og fórum í dótabúð að kaupa afmælisgjafir, bæði fyrir Rakel og svo er hún að fara í afmæli til Carolinu vinkonu sinnar á laugardaginn og svo var keypt afmælisgjöf fyrir Tinnu frænku á Íslandi. Það voru keyptar fullt af gjöfum til Rakelar, frá okkur, mömmu og pabba, Sigrúnu Karls og Arnari Inga.

Skátarnir

Þá eru skátarnir byrjaðir aftur. Rakel er svo ánægð vegna þess að hún fær að byrja líka. Það þarf að vera í 8 ára bekk til að byrja en hún fær að byrja vegna þess að Arnar Ingi er í skátunum.
Bernhard vinur hans Arnars Inga mætti líka á skátafund í kvöld. Hann var ekki alveg nógu kjarkmikill í fyrra að byrja en núna var hann bara spenntur og ánægður með skátana og segist ætla að vera í skátunum í vetur.

Svo styttist í að prinsessan á heimilinu eigi afmæli, hún tilkynnti mér það áðan að það væru 10 dagar í afmælið hennar. Hún ætlar að hafa náttfatapartý og það á að dansa og hafa diskóljós og ýmsar aðrar hugmyndir. Við finnum eitthvað út úr því fyrir dömuna.

Stella systir hans pabba sem býr í Svíþjóð (ca. 1 1/2 - 2 klst.frá Lundi) ætlar að koma í heimsókn til okkar ásamt þremur dætrum sínum á sunnudaginn. Við hlökkum mikið til, alltaf gaman að fá gesti og hafa afsökun/ástæðu til að baka köku og borða.

Ströndin

Við fórum á ströndina í dag. Veðurspáin rættist og veðrið var frábært, sól og 25°C hiti en samt frekar mikið rok. Það var nú ekki margt um manninn á ströndinni um hádegisbilið því að nú eru auðvitað allir skólar byrjaðir og fólk byrjað að vinna aftur eftir sumarfrí. Við höfðum alla vega nóg pláss.