Piparkökubakstur

Hanna og Rakel að baka piparkökur.

Arnar Ingi og Bernhard að baka piparkökur.

Keila

Arnar Ingi fór í keilu um síðustu helgi með karate hópnum.

Snjórinn

Arnar Ingi að renna í brekkunni.

Rakel að draga sleðann upp brekkuna.

Það kom snjór í Lundi og við út á snjóþotur. Snjórinn entist í 4 daga en varð nú ekki mikið meiri en þetta en það var vel hægt að renna á sleða niður brekkuna þó svo að grasið hafi staðið upp úr. krakkarnir skemmtu sér alla vega stórvel.

Helgin....

.....er bókuð!
Eins og venjulega eru það karate og skautar hjá krökkunum. Svo er íslendingaballið annað kvöld, spennandi!
Á sunnudaginn er svo verið að kveikja á jólaljósum í miðbænum og hellings skemmtiatriði, jólasveinn og fleira. Það er heilmikið prógramm allan sunnudaginn í bænum þannig að við verðum örugglega stóran hluta úr deginum þar.
Svo á auðvitað að kveikja á fyrsta aðventukertinu. Var að setja kerti í stjaka og svo býst ég við að ég skreyti aðeins, já, hvenær? á sunnudaginn en alla vega á þriðjudaginn, hef tíma þá, mánudagar alltaf frekar þéttir hjá mér.

Og smá fréttir.....mamma og pabbi eru að koma í heimsókn á fimmtudaginn 4.desember.....gaman, gaman, hlakka til að fá þau. Þau stoppa líklega fram á föstudaginn 12.desember, eru ekki búin að kaupa miða til baka, gera það bara með stuttum fyrirvara. Þau ætla að passa fyrir Villa og Huldu þann 13.desember þannig að þau verða komin til Íslands fyrir þann tíma. Og svo erum við að fara í jólatívolíið í Köben þann 12.des.

Góða helgi til ykkar allra!

Blogg leti

Það er einhver blogg leti í mér þessa dagana en vonandi nenni ég að halda áfram að blogga þó svo að það sé bara einu sinni í viku, stefni alla vega á blogg einu sinni í viku.
Það er svo sem ekkert nýtt að gerast, rútínan alveg í fyrirrúmi :)
Vorum með matarboð á laugardaginn og buðum Adda, Helgu og strákunum þeirra. Það var rosa gaman að hitta þau og spjalla.
Bakaði piparkökur með krökkunum á sunnudaginn og þau voru með vini sína í heimsókn og allir svakalega ánægðir, krakkarnir skreyttu svo piparkökurnar og átu fullt og vinirnir tóku síðan með sér piparkökur heim.
Jörðin er ennþá hvít hjá okkur og vægt frost úti. Það er reyndar spáð skýjuðu og hita næstu daga eins langt og spáin nær, það er reyndar týpískur vetur í Lundi, ca 5°c hiti, grátt og skýjað. Þannig var allur fyrravetur, bara skrýtið að það hafi komið snjór og búinn að endast svona lengi.
Helgi farinn til Stokkhólms og kemur aftur á föstudaginn.
Svo er íslendingaballið á laugardaginn með lambalæri, hangikjöti og íslenskri hljómsveit, það verður örugglega stuð að vera á balli með íslendingunum og líklega bara sungin íslensk lög.
Hlakka til!

Snjór!

Það snjóaði hjá okkur í dag! Svaka gaman!
Veðurspáin sagði að það yrði kalt í dag og næstu daga sem spáin nær. En það hefur varla snjóað í Lundi frá því að við fluttum þannig að við vorum mjög ánægð með að fá snjó núna. Hvað hann endist er annað mál, jörðin er hvít en ekkert magn af snjó samt.
Við settum vetrardekkin undir bílinn í gær, alveg á réttum tíma.
Róleg helgi framundan, skautar, karate og laugardagsnammi leiðangur. Keila hjá Arnar Inga með karate hópnum seinnipartinn á morgun. Kannski hægt að fara að renna á snjósleða ef snjóinn heldur.
Ætla að bjóða einhverjum í mat annað kvöld, ekki búin að ákveða hverjum.
Stefnum á það að leyfa krökkunum að baka og skreyta piparkökur á sunnudaginn.
Góða helgi!

Tíminn líður

Já, svakalega líður tíminn hratt, finnst ég nýbúin að blogga en sá svo að það var á föstudaginn.
En fór sem sagt í afmælispartý á laugardagskvöldið hjá Ingu og það var svaka fínt. Indverskur matur og notalegheit. Bara stelpur og kjaftað og tíminn bara flaug.
Í kvöld er svo saumaklúbbur hjá sama genginu og þá fáum við köku og gotterí....hlakka til! Er búin að vera alveg hræðileg í mataræðinu í næstum 2 vikur og sé ekki fram á að hætta því neitt, því miður.
En ég er alla vega byrjuð í ræktinni og vona að það hægi á fitusöfnum meðan ég haga mér svona í sætindunum.
Svo er bara að fara að baka fyrir jólin, já ég segi fyrir jólin því ég veit að það verður ekkert til sem ég baka um jólin, allt búið! Ætla að leyfa krökkunum að baka og skreyta piparkökur og svo á ég bara eftir að finna eitthvað annað gott til að baka.
Hlakka til þegar fyrsti í aðventu kemur því þá ætla ég að hengja upp jólaljósin og skreyta smá, ég bíð alltaf spennt og byrja snemma.
En hafið það gott á fróni, við erum búin að kveikja upp í kamínunni og höfum það kósý!

Jæja.....

....Arnar Ingi góður af magapínunni, fór í skólann í dag.
Svo eru auðvitað fastir liðir, karate og skautar á morgun. Ég fer svo í stelpupartý annað kvöld, gaman, gaman.
Svo er þó nokkuð planað næstu helgar.
29.nóvember er svokallað "1.des" ball hjá íslenska kórnum í Lundi og þar verður boðið uppá íslenskt lambalæri og fleira.
6.desember er svo matarhittingur hjá saumaklúbbnum og mökum og allir ætla að leggja með sér til borðs.
12.desember erum við svo að fara til Köben í jólatívolíið og ætlum að gista eina nótt í Köben. Ætlum að vera í tívolíinu á föstudeginum og eyða svo laugardeginum í bæjarrölti.
13.desember er svo jólaglögg og afmæli hjá einum maka í saumaklúbbnum.
Svo inn á milli eru svona krakkaskemmtanir t.d lúsíuhátíð í skólanum, keila með karate, jólaball íslendingafélagsins og söngskemmtun hjá bekknum hans Arnar Inga. Þetta er alla vega það sem við vitum um.
En hafið þið góða helgi!

Magapína

Það var hringt frá skólanum í morgun og sagt að Arnar Ingi væri að kvarta undan magapínu. Hann er sem sagt kominn heim og er að taka því rólega, litla greyið!

Kamínan

Kveiktum upp í kamínunni hjá okkur því það er svo drungalegt úti, rigning en samt 12°c hiti. Það er svo notalegt að hafa heitt og gott inni og ekki skemmir fyrir að horfa á eldinn. Við kveikjum nokkuð oft upp í kamínunni yfir vetrartímann.

Kökustund

Við bökuðum bæði speltbrauð í dag og svo súkkulaðiköku. Krakkarnir voru duglegir að skreyta og notuðu part af laugardagsnamminu sínu í skreytingar.

Gönguferð um nágrennið

Arnar Ingi á leikvellinum.

Rakel á leikvellinum.

Það sama

Jæja, þá er rútínan komin í gang og það er bara mjög þægilegt. Eins og það er gaman að vera í fríi og ferðast þá er alltaf gott að komast í rútínu aftur.
Sem sagt, skóli hjá krökkunum, sundnámskeið hjá Rakel, skátar hjá Arnari Inga og svo laugardagsrútínan, skautar hjá Rakel og karate hjá Arnari Inga.

Ekkert planað ennþá þessa helgina nema að kannski baka eitthvað gott með krökkunum. Langar að prófa eitthvað nýtt núna, maður festist oft í að gera það sama því það er þægilegt og maður veit að það er gott, en það kemur í ljós hvað verður!

Flugþreyta

Rakel mjög þreytt eftir að vakna um miðja nótt og fara í flug. Sofnaði í sófanum fyrir framan sjónvarpið með nýja drekann sinn.

Best að sofa með nýja drekann, svona var Rakel í gærkvöldi...steinsofandi.


Þarna er klukkan 10:15 á sunnudagsmorgninum, daginn eftir að við komum og Helgi búinn að læða sér upp í rúm til Arnars Inga um morguninn (eftir að hafa farið með Rakel niður og gefið henni að borða) og feðgarnir báðir steinsofandi.

Komin heim í Lund

Þá erum við fjölskyldan komin heim í Lund eftir vikudvöl á Íslandi.
Við höfðum það alveg stórfínt og bara gaman að kíkja á klakann þó svo að það hefði verið ískalt allan tímann.
Við kíktum í heimsóknir, Helgi var reyndar að vinna alla vikuna en ég og krakkarnir fundum okkur eitthvað til dundurs.
Rakel heimsótti Hrafnhildi vinkonu sína, Arnar Ingi heimsótti Atla og Magnús vini sína, við fórum á skauta í skautahöllinni og heimsóttum Villa, Huldu og fjölskyldu og Önnu Maríu, Árna og fjölskyldu. Svo var auðvitað kíkt á tengdafjölskylduna. Sigrún Karls kíkti tvisvar í heimsókn í Vesturás og svo Villi og fjölskylda einnig tvisvar. Nóg að gera að hitta vini og ættingja, svaka gaman.
Við Helgi fórum út að borða á La Primavera og það var rosalega góður matur.
Já, ég gleymdi að nefna einn hlut.....við keyptum okkur bíl á Íslandi.....við ætlum að hafa hann til umráða þegar við erum stödd á landinu og í millitíðinni leggjum við bara inn númerin og þá þurfum við ekkert að borga tryggingar né bifreiðagjöld á meðan.....sniðugt! Pabbi hans Helga ætlar að geyma hann inni í flugskýlinu sínu á meðan, hugsið ykkur dekrið sem bílinn fær, inni allan veturinn! En sem sagt þá er þetta Toyota Corolla árg. 2006, og einungis keyrður 26þús km. Vonandi hittum við á gott eintak, kemur í ljós!
En njótið það sem eftir er helgarinnar, það ætlum við að gera, búin að kveikja upp í kamínunni og einnig á kertum, ætlum að hafa það kósý!

Á heimleið til Lundar

Arnar Ingi í drauma búðinni, fullt af tölvuleikjum.

Rakel með nýja drekann sinn.

Arnar Ingi horfir á DVD mynd.

Rakel horfir á DVD mynd.